قصيده الشاعر سبيل بن سند

الله يمسيكم بالخير
هذي قصيدة سبيل بن سند الحصني المزيني الحربي ........ بمحمد الاحمد السديري
وادري هل القصيده سببت مشاكل وفي ناس مع انزالها وفي ناس ضدها
بس القصيده راحت زمان
وفيه ناس واجد يبون يعرفونها وماعاد منها ضرر
مثل اي قصيدة قيلت باي شخص
فحبيت انزلها واقفل الموضوع نهائيا

وادري خطوه جريئه ويمكن تنحسب علي بس بعد التفكير وبعد سنتين ونص من المشاركه بالمجالس وبعد ماعرفت انه القصيده منتشره اكثر من انتشار المجالس نفسها مااظن فيه داعي لمنعها

==========
سبيل بن سند الحصني المزيني

شاعر حرب ولسانها
ماسكت عن الظلم يوم غيره شافه وضحك
ماحسب حساب سلطه ومشيخه وكبار قدام الاهانه
شاف وقرا كتاب السديري وسبته لحرب فيه
فرد عليه الرد الوافي
ورفع عنه اللوم
فالله يرحمه ويغفر له ذنوبه
قال قصيده ماقالها احد توارثها حرب جيل ورا جيل
=========





1 يأمير يا شيـن الخطـأ منـك شينـاه ياخوفتـي عقلـك هكاليـوم غـايـب
2 يومٍ مثلـك تزعـل النـاس عوجـاه رجّال عـرف ومـن حمولـه وشايـب
3 لاجاهل غـي الجهـل فيـه وأغـواه ولامسردٍ مـن كـل الاطـراف خايـب
4 أنتـه تقـول القيـل وتجيـد معنـاه شالك هوى نفسك علـى غيـر صايـب
5 لاكـان حنّـا مـن تحـدى أنتحـداه مـن دون واجبنـا نجيـد الصـوايـب
6 ياشايبٍ غي الجهـل تـوّ مـا جـاه يبـى يعيـب النـاس والعـود عايـب
7 يا ضريغط اللي شـال همـه بدنيـاه ياذيـب بيـن معكـرشـات الـذوايـب
8 إن كـان عنـدك للفعايـل امجـازاه حـربٍ عمامـك يـوم مـسّ الجنايـب
9 غصبٍ عليك وصامـل العلـم تلقـاها وا ن طاب لـك وإلا علـى غيـر طايـب
10 أبـوك معطينـا الأخـاوه بيمـنـاه لـولا الأخـاوه راح مـالـه نهـايـب
11 يامـن سواليفـه توسّـخ شفايـاه ذيـب العلـوم ولا ذكـر لـك حرايـب
12 طوبى مقرّ اللي ولى الحكم وأرسـاه يامـآ رسـى واليـوم حـدر النصايـب
13 ورّث حبيب الشعـب عقـب تـولاه فيصل علـى كبـد العـدو سـمٍ ذايـب
14 بظلال أخو نوره مشى الذيب والشاه خلّى الغنـم والذيـب تمشـي صحايـب
15 وخلاّك يالنمـرود تمشـي بحسنـاه وتحـط بالشعـب السعـودي عصايـب
16 والله يالو يدري عن العلم وأقصـاه مالـك شفاعـة لـو تشفّعـت تـايـب
17 مغترّ فيك الله علـى الخيـر يقـداه وش عرّفه لـك عنـد مطلـق حلايـب
18 ماشاف نزلٍ لـك يـدق الخونـداه بمعيلـه مـثـل الـخـزز واللعـايـب
19 نـزلٍ نشوفـه والمخاليـق تدهـاه نـزل البـلاوي كلـهـا والمصـايـب
20 عن روس خلق الله وأنا أبـراي لله عن ناس ترعى فـي طرفكـم حبايـب
21 لو فيك خير ووجهك الشيـن ينكـاه ماتعـتـرض لمكمّلـيـن الـنـوايـب
22 وأولاد وايل عـن سوالفـك مغنـاه ماهـم بـعـوزك يـامـدوّه زرايــب
23 قطعانهم عشب الخضر غصب ترعاه ترعـاه أباعرهـم لـو الـدم رايــب
24 وحربٍ قواطيعٍ على الخيل وأرمـاه عـوق الزعيـم مـورّدة كـل هـايـب
25 وشريدة الفرسان وشلـون تنسـاه وشلـون تنسـى يـا طويـل الخبايـب
26 اللي على شيل الجماهـي مضـرّاه يمنـاه والفسقـان سيـف العطـايـب
27 و(ابن نحيت) اللي نهـار المثـاراه كـم كبـد حـيٍّ شـب فيهـا لهـايـب
28 على أبلج خلّـى الظـواري تعشـاه وبطـوع اخـو نـوره تعشـى كتايـب
29 و(ابن جزاء) يوم النضا جاه ينخـاه وشلـون تنسـى يالعيـن الصـلايـب
30 يومٍ يشيب الراس من حس طريـاه بيـن الحناكـيـه وذيــك الجـذايـب
31 و(فيحان) أخو نوره تحت حد شلفاه كـم فـارسٍ خـلاّ عظامـه حطـايـب
32 اللي بجـاه يـوم زاره هـل الجـاه رد الذويبي مـال رايـح ******ايـب
33 ماخوذ غصب وضمّر الخيل تشعـاه وشلـون تنسـى ياعجيـب العجـايـب
34 ونسيت(ابن ناحل) مع الضيف وقراه هيف السمين اللي بهـا النـيّ سايـب
35 اللي يدسّم شارب الضيـف لاجـاه الخيـل يعطيهـا وعطـا البـل وهايـب
36 ونسيت(منور) ذيب جمـعٍ سرايـاه مثـل الدبـا الكتفـان ريـف القرايـب
37 حرز الذليـل اللـي يفـك المخـلاّه نسيت(اخـو حسنا)عطيـب الضرايـب
38 و(ذويخ) بالعربـان تكثـر رزايـاه إليـا شـان نطـق ميليـن العصايـب
39 كم هيّـةٍ زيزومهـا جـاب حسنـاه و(سعود) مـن بعـده يفـك النشايـب
40 و(ابن جديع بهيّـه ضحايـاه فرسـان قـومٍ فـوق قــبٍ ربـايـب
41 يبـون وضـحٍ بالأباهـر محـنّـاه افتكهـا ووّهــل جبـرهـم نكـايـب
42 ونسيت (مانع) حوض موت منايـاه ماتـأخـذ ألا محتمـيـن الـدبـايـب
43 كم فارس قرّب لـه أجلـه وغفّـاه عـلـيـه خلاّللـحـوايـم لـوايــب
44 من كف (اخو فزه) نواعيـه تنعـاه عليـه هــلات العبـايـر سكـايـب
45 و(نويشي) اللي بالخوي كلٍ أوحـاه بثـرأ خويـه عـن عوانيـه نـايـب
46 قص أربعه وأثنين والسابـع أنجـاه انهى المـلام وخاطـره ماهـو طايـب
47 وأبوك يالهرباد مـن فـك بحمـاه يوم الرصاص بنـوع وبـل السحايـب
48 برّم عصب رجليه وإنّـا احتمينـاه دونـه فعلـنـا معـجـزاتٍ غـرايـب
49 واليوم عندك لـه محبـه وملجـاه غـوال ابـوك وحايـبٍ بـك حوايـب
50 والا ما تنسى وطيته فـوق علبـاه وميقافنـا لا دفلجـن بــك ركـايـب
51 جينـاه وأربـاع المبانـي ممـلاه فـي كـل بيـت مكتفـيـنٍ قضـايـب
52 واللي نزل عنـده ثلاثيـن جمهـاه بيـن الـذرا والنـار ضـم الحضايـب
53 من عرض من ربص هكاليوم بدماه راع النقـا والفـوز يـوم الغصـايـب
54 راسه سبق كفه على عرش مطـاه من كف (اخو جوزاء) وابوك السبايـب
55 فعلٍ على وضح النقـا مأخترعنـاه ماهـي سواليـف الوجيـه القـلايـب
56 وأضحى جزاء ميقافنا اللي وقفنـاه شبهتنـا ضيـنٍ رثـع فـيـه لايــب
57 ذيبٍ يرد مـن أول الضيـن لتـلاه الشـكـوى لله ياكبـيـر القـطـايـب
58 والله والله واحـدٍ مــا أتمـهـزاه بالـكـذب..والله يالقـلـوب اللبـايـب
59 لولا القمر وسهيل والجـدي لـولاه لأقــول قــولٍ ماتعقـبـه طـلايـب
60 مار بذرا العنبـر تركـت العلنّـداه ياللـي تبـي بالكـذب تأخـذ غـلايـب
61 يالطايش اللي طيشـه كبـر مركـاه هـلا هـلا ياحـوش بيـض الترايـب
62 هذا جداك وغيـب قلبـك عرفنـاه مار الغلـط مرجـوع وانـس الحزايـب
63 أما تعـذّر عـن مقالـك ومنشـاه عبـر الأثيـر ولانبـي لـك نجـايـب
64 يـوم المجلـد كـل حـيٍّ تـمـلاه تـراك مأنـت مـن الأذاعـه نعـايـب
65 دفترك ما خصيت بـه يـوم نقـراه قاريـه انــا ومسطـراتـه عـرايـب
66 حتـى تعـذّر لـك لنـاس مسمـاه كرّ النظـر واحسـب جميـع الحسايـب
67 كرّ النظر وأضرب علـى ماتـوراه وعنـدك طريـق العافيـه والعقـايـب
68 أمّا حفرت البير وأقطن علـى مـاه وألا تـدمـه دام مـيّــه سـرايــب
69 مـادام كـلٍ ماسـك مـاه بـلـزاه والاتعـرّضـت المـحـن والصعـايـب
70 يمـك ملاييـن المـدافـع معـبـاه واقفـالـهـا قـيـادهـا بالـكـرايـب
71 والطيش لايحرمـك لـذ المسـاواه اعرف ترى للطيـش غيـب وغبايـب
72 ألا عنـدك للخـزى ميـل مشهـاه معجبـك مالـك مـن فعولـنٍ رهايـب
73 فالله خلق للداء دواء وأنت مـن داه ودواك للـجـراح فـيـه الـطـرايـب
74 يامـا لعينـك مـن مغثـه ومـاذاه ياللـي بحـركـم ياملـيـن الذهـايـب
75 بـه حصـةٍ بيضـا تـلالا مغطـاه غيّـم سماهـا بيـن خضـر رطـايـب
76 مأدري ركبها غبار شيول ومسحـاه وألا بهـا زتــم اعــداد الجـلايـب
77 لاواقفيـن ولا بالأعيـان شفـنـاه حظـي بــري لله عليـنـا رقـايـب
78 حظي بري ماقالـوا النـاس قلنـاه وبحظ مـن جـاب الخبـر لـي جايـب
79 ياطير ابن برمان مـأدري حلايـاه ياللـي تبـي فينـا تـحـط النقـايـب
80 ماهو هلا يالمنتسب عقـب عفنـاه حنّـا جبرنـا مـا يحـوش القشـايـب
81 ولا عندنـا لـك يامحمـد مناجـاه خبـلٍ تومـي فـي شنبـك الهبـايـب
82 تبي تمثـل عنتـر الخيـل جهجـاه تمثيـل وألا مسـردٍ مـأنـت ثـايـب






==========
الشرح
==========
ذكر في اول الابيات سالفة بين حرب وابو محمد السديري احمد
ماادري عنها وسمعت عنها سوالف بس علي قولتهم طراطيش حكي

منقوووول